Daily Archives: October 13, 2022
Մայրենի
Քո ձյունագեղ բարձունքից
Արևի հոտ է գալիս,
Աղբյուրներիդ արցունքից
Արևի հոտ է գալիս:
Փռվել է մութն անտառին,
Բռնել է ձոր ու կածան,
Բայց մամուռից ու սունկից
Արևի հոտ է գալիս:
Քարանձավներն են քրտնել
Ամայության սարսուռից,
Բայց նրանց քիվ ու քունքից
Արևի հոտ է գալիս:
Գիշերային իմաստուն
Առասպելի մեջ քնած
Քարափիդ ծերպ ու ծունկից
Արևի հոտ է գալիս…. Հ. Սահյան
բացատրիր բառերը
ձյունագեղ-ձյունով գեղեցկացած,ձյունազարդ
բարձունք-բարձրադիր տեղ
կածան-նեղ ճանապարհ,արահետ
քարանձավ-ժայռի մեջ գտնվող անձավ
սարսուռ-ցրտից առաջացող մարմնի դող
ամայի-բնակությունից զուրկ,դատարկ
քիվ-հորիզոնական ելուստ,որը դուրս է ձգվում պատի վերն մասից
քունք-գանգի կողային մաս
առասպել-երևակայական,չափազանցված,անհավանական պատմություն,որև է դեպքի կամ հերոսի մասին
քարափ-գետի,լճի,ծովի և այլնի քարաժայռից բաղկացած ափ
ծերպ-ճեղք,արանք,ծակ